Արցախի արտաքին գործերի նախարար Դավիթ Բաբայանը ֆեյսբուքյան գրառմամբ անդրադարձել է Արցախի և Ադրբեջանի սահմանագոտում տիրող իրավիճակի մասին՝ նշելով, որ անհանգստանալու եւ խուճապի մատնվելու կարիք չկա։
«Խոսելով Արցախում տիրող իրավիճակի մասին, ասեմ, որ անհանգստանալու եւ խուճապի մատնվելու կարիք չկա, ամեն ինչ գտնվում է մեր զինված ուժերի վերահսկողության ներքո․ միայն խնդրում եմ հետեւել բացարձակապես պաշտոնական լրահոսին եւ սադրանքների չտրվել»,– գրել է նա։
Հիշեցնենք, որ Արցախի պաշտպանության նախարարությունը տեղեկացրել է, որ օգոստոսի 1-ին, ժամը 09:00-ից սկսած, Արցախի Հանրապետության հյուսիսային եւ հյուսիս-արեւմտյան սահմանագոտու մի շարք հատվածներում ադրբեջանական ստորաբաժանումները դիմել են սադրանքի՝ կատարելով շփման գիծը հատելու փորձեր, որոնք կասեցվել են ՊԲ ստորաբաժանումների ուժերով: Հայկական կողմից կորուստներ չկան: Իրադրությունը շարունակում է մնալ լարված:
Կատարվածի մասին հանգամանալից տեղեկատվություն է տրամադրվել ռուսական խաղաղապահ զորակազմի հրամանատարությանը։
Կարդացեք նաև՝
«Լարվածությունը հետևյալ ուղղություններով է»
«Լարված իրադրություն է նաև Սյունիքին և Գեղարքունիքին հարակից հատվածներում»
Կուլիսներում թեմաներ են եռում, որոնք կարող են Հայաստանի ու Արցախի համար ծանր հետևանքներ ունենալու
Ադրբեջանական ստորաբաժանումները դիմել են սադրանքի, իրադրությունը շարունակում է մնալ լարված. ԱՀ ՊՆ
