Թարմացված․ «Մայր Հայաստան» դաշինքի անդամ Գևորգ Ստեփանյանը ֆեյսբուքյան իր էջում հրապարակել է դասադուլին միացած բուհերի ցանկը.

«Բռավո, ԵՊՀ

Բռավո, Բրյուսով

Բռավո, Մանկավարժական

Բռավո, Բժշկական

Բռավո, Կոնսերվատորիա

Բռավո, Եվրոպական»:

Թարմացված․ Կառավարության շենքի մոտ իրավիճակը կրկին լարվեց: «Ոստիկանական շղթայից երկու քայլ հետ գնացեք»,- դիմելով հավաքվածներին՝ հայտարարեցին ոստիկանները: Ոստիկան Գ. Ազիզյանը լրագրողներին ասաց, որ քիչ առաջ հավաքվածներից մեկը շիշ է նետել ոստիկանների ուղղությամբ:

Թարմացված․ Ոստիկանությունը զգուշացրեց, որ հատուկ միջոցներ կկիրառի, եթե ցուցարարները փորձեն Կառավարության անդամների՝ շենքից դուրս գալը խոչընդոտել: Իրավիճակը լարվեց:

Թարմացված․ Փաստաբան Հովհաննես Խուդոյանը ֆեյսբուքյան իր էջում հայտնում է. «Անդրանիկ Թևանյանին ՎԱՐՉԱԿԱՆ ՎԱՐՈՒՅԹԻ ՇՐՋԱՆԱԿՆԵՐՈՒՄ տեղափոխում են քննչական կոմիտե:
Որևէ քրեադատավարական հիմք չի ներկայացվել»:

Թարմացված․ Երևանում վաղ առավոտից շարունակվում են բողոքի ակցիաները: Ժամը 11:00-ին Կառավարությունում նիստ է անցկացվելու: Ինչպես նախօրեին հայտնել էր «Մայր Հայաստան» դաշինքի առաջնորդը, 10:00-ից հավաքվելու են Կառավարության շենքի մոտ: Ոստիկանությունը մեծաթիվ ուժեր է կենտրոնացրել տարածքում:

Թարմացված․ Քաղաքացիները շարունակում է բողոքի ակցիաները։ Վաղ առավոտից նրանք փողոցներ են փակում։ Քիչ առաջ կարմիր բերետավորները բռնի ուժով բերման ենթարկեցին Բուզանդի փողոցում ակցիա իրականացնող ցուցարարներին:

Թարմացված․ «Մայր Հայաստան» ժողովրդական շարժումը ֆեյսբուքյան էջում հայտնում է, որ դաշինքի առաջնորդ Անդրանիկ Թևանյանին բողոքի անհնազանդության գործողություն իրականացնելիս բերման են ենթարկել ոստիկանության Էրեբունու բաժանմունք։