Ադրբեջանի ԱԳՆ-ն Ռուսաստանում Ադրբեջանի դեսպանատանը համապատասխան հանձրարարություններ է տվել՝ ռուսական լրագրողների խմբի Արցախ այցելության կապակցությամ: Այս մասին գրում է «ԱՊԱ» գործակալությունը` վկայակոչելով Ադրբեջանի ԱԳՆ նախարարության խոսնակ Էլման Աբդուլլաևի խոսքերը:
«Բոլորին հայտնի է այդ հարցի նկատմամբ Ադրբեջանի սկզբունքային դիրքորոշումը։ Առանց Ադրբեջանի պետական մարմինների համապատասխան թուլտվության ռուս լրագրողների այցը Արցախ անօրինական է։ Դրա կապակցությամբ Ռուսաստանում մեր դեսպանատանը տրվել են համապատասխան հանձնարարություններ»,- ընդգծել է Է. Աբդուլլաևը։
Հիշեցնենք, որ «Հայ-ռուսական համագործակցություն» մոսկովյան կազմակերպության հրավերով օգոստոսի 25-30-ը մի խումբ ռուս լրագրողներ ժամանել են Արցախ:
Պատվիրակության կազմի մեջ են ռուսական հետախուզության նախկին աշխատակից, «Ռեն ՏՎ» հեռուստաալիքի «Աշխարհի գաղտնիքներ» ծրագրի հեղինակ ու հաղորդավար Աննա Չապմանը, Ռուսաստանի Հասարակական պալատի անդամ Դենիս Դվորնիկովը, իրավապաշտպան Սերգեյ Կարնաուխովը և այլք:
