Արցախում մինչ այս կորոնավիրուսի դեպք չի գրանցվել: Արցախի տեղեկատվական շտաբի ղեկավար Տիգրան Աբրահամյանը ArmLur.am-ի հետ զրույցում մի քանի մանրամասներ է հայտնել տարվող աշխատանքներից: Սակայն նա նշել է, որ այս ընթացքում մեկուսացումներ լինում են:
«Օրինակ՝ ուսանողները, որոնք որ արտերկրում են եղել, մեկուսանում են տանը կամ հատուկ նախատեսված բժշկական հաստատություններում: Այս պահին մեկուսացվածների թիվը չեմ կարող ասել, քանի որ տվյալները վերջնական չեն, առաջիկայում կհայտնենք»: Նա նաև նշել է, որ մեկուսարաններից մեկը տեղակայված է Շուշիի հիվանդանոցում, ընդ որում՝ դա միակը չէ:
