Շանթ Հ/Ը «Դիրքերում » հաղորդաշարի հեղինակ Արշակ Զաքարյանը տեղեկացրել է, որ Ստեփանակերտի հոսպիտալում վիրահատել են հաղորդաշարի օպերատոր Դավիթ Աթոյանին: Դավիթի առողջական վիճակը կայուն է: Հնարավոր է նրան տեղափոխեն Երևան:
Հիշեցնենք, որ երեկ երեկոյան, ժամը 18-ի սահմաններում արցախա-ադրբեջանական շփման գծի հյուսիսային հատվածում գնդակոծության է ենթարկվել «Շանթ»հեռուստաընկերության «Դիրքերում» հաղորդաշարի նկարահանող խումբը: Հակառակորդը հրաձգային խոշոր տրամաչափի զենքերով գնդակոծել է նկարահանող խմբի ավտոմեքենան: Վիրավորվել է հաղորդաշարի օպերատոր Դավիթ Աթոյանը: