«Տարածաշրջանում խաղաղության և կայունության պատասխանատվությունն անձնապես կրում ենք մենք՝ Հայաստանի վարչապետը, Լեռնային Ղարաբաղի ու Ադրբեջանի նախագահները»,- ասել է Նիկոլ Փաշինյանը այսօր Կապանում տեղի ունեցող մամուլի ասուլիսի ժամանակ:
Ի պատասխան այս հայտարարությանը՝ Արցախի Հանրապետության Ազգային ժողովի նախագահ, Արցախի նախագահի թեկնածու Աշոտ Ղուլյանը ֆեյսբուքյան գրառում է կատարել՝ գրելով.
«Որպես Արցախի Հանրապետության նախագահի թեկնածու հայտարարում եմ.
1. Արցախի անկախությունը նվազագույն կարգավիճակն է, իսկ միացումը մայր Հայրենիքի հետ՝ մեր վերջնանպատակը:
2. Արցախի Հանրապետության ներկայիս տարածքը մեր ժողովրդի անվտանգության ապահովման միակ հուսալի երաշխիքն է, որը զիջման ենթակա չէ:
3.Արցախի ժողովուրդը հանրաքվեի միջոցով իր ճակատագիրը որոշել է դեռևս 1991 թ.՝ քվեարկելով հոգուտ անկախ պետականության:
4. Ադրբեջանի կողմից Արցախի օկուպացված տարածքների վերադարձի և հայ փախստականների հարցերը բանակցային գործընթացի անբաժանելի մաս պետք է լինեն:
5. Առանց Արցախի մասնակցության լիարժեք ու բովանդակային բանակցություններ լինել չեն կարող:
Վերոնշյալ բոլոր դրույթները հիմնարար են ադրբեջանա-ղարաբաղյան հակամարտության համապարփակ ու արդարացի կարգավորման համար»:
Դիտեք նաև՝
Դիտեք նաև՝