ՀՀ վարչապետ Նիկոլ Փաշինյանի ավագ դուստրը՝ Մարիամ Փաշինյանը, ֆեյսբուքյան իր էջում «Սևան ստարտափ սամմիթ-2019»–ից լուսանկար է հրապարակել, որին կից կատարել է հետևյալ գրառումը.
«Sevan Startup Summit 2019-ի ճամբարը ուղղակի անկրկնելի էր: Կարելի է կռահել, թե ինչ վառ ու նորարարական գաղափարներ են շրջանառվում այս ճամբարում: Միջավայրից տպավորություն ստացա, որ այսպիսի տեմպերով Հայաստանը կունենա շատ ամուր և ճկուն ստարտափ էկոհամակարգ, որում շատ արագ ու արդյունավետ կիրագործվեն ամենատաղանդավոր ու հետաքրքիր գաղափարները:
Վստահ եմ, որ այդ էկոհամակարգը շատ արագ կտարածվի նաև մարզերում, նույնիսկ ամենահեռավոր գյուղերում: Այնպես որ, սիրելի երիտասարդներ և մեծահասակներ, երբեք շուտ կամ ուշ չէ ձեր գաղափարներն ու նպատակները իրագործելու համար: Աշխատեք ձեր գաղափարների վրա, նույնիսկ եթե դուք ամենահեռավոր գյուղի բնակիչ եք: Գտեք թե որն է ձեր ամենասիրելի զբաղմունքը կամ որ ոլորտում եք ամենահմուտը, ու պայքարեք ձեր նպատակներն ու գաղափարները կյանքի կոչելու համար: 21-րդ դարում հնարավորությունները խաբուսիկ են, իսկ մրցակցությունը շատ ուժեղ: Բայց լավ և բարեխղճորեն փնտրելու դեպքում, մենք կարող ենք գտնել մեզ անհրաժեշտ հնարավորությունները»: