«Մեր հարաբերությունները և իմ անձնական հարաբերությունները մեր գործընկերների հետ ուղիղ են, անկեղծ, առանց մութ անկյունների»,- այս մասին այսօր «Եվրասիական շաբաթ» միջոցառմանը ելույթ ունենալուց հետո նշեց վարչապետ Նիկոլ Փաշինյանը:
«Ես ուրախ եմ, որ ՌԴ-ի և ՌԴ նախագահ Վլադիմիր Պուտինի հետ փոխվստահության մթնոլորտ է ձևավորվել: Դա չի նշանակում, որ մենք ամեն ինչում ունենք նույն տեսակետը և ամեն ինչում համաձայն ենք, բայց մենք փոխադարձաբար ըմբռնում ենք միմյանց տեսակետները և անկեղծ ենք»,- ասել է վարչապետը:
Հիշեցնենք, որ ավելի վաղ Փաշինյանը հայտնել էր, որ Ռուսաստանի նախագահ Վլադիմիր Պուտինի այցը Հայաստան, ամենայն հավանականությամբ, տեղի կունենա 2019 թվականի սկզբին։
