▲ Դեպի վեր

lang.iso lang.iso lang.iso

Այսպիսի քայլ անում են սադրելու համար, դա հասկանալով, սադրանքի չեմ գնացել. 2 տարիների ընթացքում շատ են եղել սադրանքներ

Երեկ, երբ տեսա ինչ աղմուկ է բարձրացվել, դա ինձ ստիպեց, որ բացատրություն տամ. այսօր Para.Tv լրատվական կայքին տված հարցարույցում՝ անդրադառնալով երեկ Ազատություն ռադիոկայանի կողմից իր տունը նկարահանելու միջադեպին նշեց նախկին ոստիկանապետ Վլադիմիր Գասպարյանը:

Նախկին ոստկանապետը, անդրադառնալով միջադեպի մանրամասներին, նշեց, որ տեսել է իր տան վրա տասը մետր բարձրության վրա դռոն է գործում, սկզբից մտածել է  ահաբեկչության և պրովոկացիայի մասին, քանի որ  առաջին անգամը չէ, որ  դռոնով նկարահանել են այդ  տարածքը: Սակայն, Վլադիմիր Գասպարյանի խոսքով՝ նախորդ երկու  նկարահանումը կատարվել է լճի վրա, իսկ այս նկարահանումը եղել է անմիջապես տան վրա:

«Նստել եմ իմ կվադրոցիկլը և դուրս եմ եկել, մտածել եմ այդ տարածքը խոցելի է: Տեսել եմ, որ դռոնը շարժվում է դեպի վերև, այդ ուղղությամբճանապարհով գնացել եմ: 300-400 մետր հեռու տեսել եմ կանգնած 2 ավտոմեքենա  և մեքենայից դուրս եկած 6-7 քաղաքացիներ,  ես գնացի կանգնեցի նրանց  կողքը: Նրանցից մեկի ձեռքին տեսա հեռակառավարման վահանակ, ասեցի․ «Սա ի՞նչ է տղա, ասեց պուլտ ա, ասեցի ինչ պուլտ է, ասաց՝ իմ պուլտն է, ասեցի՝ այդ դռոնը դուք եք բաց թողել իմ տուն, ո՞վ եք դուք: Իրենք այլայված էին, իրենք 5-6 հոգով էին ես մենակ: Ես վրդովված էի, որովհետև հազար բան է տեղի ուեննում: Ավելին ասեմ, ժամանակին՝ երկու- երեք  տարի առաջ ԱԱԾ-ում գիտեմ, որ խումբ կար, որը մահափորձ էին կազմակերպել, ես գիտեմ ԱԱԾ-ն նրանց վերցրել էր և  մեկ ամիս հետո, նրանց բաց են թողել և չգիտեմ այդ գործի ճակատագիրը ի՞նչ է եղել: Եթե 6-7 հոգի 30 տարեկան երիտասարդները վախենում են ինձանից՝ 62 տարեկանից, թող շարունակեն վախենալ և պետք է վախենան, որովհետև, երբ մտնում են մարդու տուն, պետք է հասկանան, որ այդպես չի աշխատելու, ընտանիքը սրբությունն է և իմ փոքր հայրենիքն է, իմ փոքր տունը, որը ես պաշտպանում եմ: Ինչպես պաշտպանել  եմ իմ մեծ հայրենիքը՝ մեծ տունը՝ 40 տարի տարի շարունակ»,- նշեց նա:

Վլադիմիր Գասպարյանը նշեց, որ իրեն տեղեկացրել են, որ  Ազատություն ռադիոկայանից են․

«Ես ասեցի՝ տղաներ, խելքներդ գլուխներդ հավաքեք, մի օր ձեզ խիստ կպատժեն՝ հաշվեհարդար կլինեն, մի պատի տակ կսատկացնեն՝, մի արեք տենց բաներ, դուք չեք պատկերացնում ինչը ինչից հետո է հիմա ես ձեզ ասում եմ հավաքեք և գնացեք: Ես ասեցի ձեզ, որ լրատվություն չեմ ճանաչում, ձեզ դիտում եմ՝ որպես իմ բնակարան ներխուժող մարդիկ: Գնացեք ձեր ղեկավարին ասեք, որ ձեզ  սովորեցնեն Սահմանադրական իրավունքը ի՞նչ է նշանակում և գլուխները կախ գնացել են»:

Հարցին, թե վիրավորե՞լ է արդյոք, Վլադիմիր Գասպարյանը ասաց, որ բոլորը գիտեն իր խոսելու ոճը,  խոսել է բարձր, քանի որ վիրավորված է եղել.

«Պետք էր հասկանալ, ինչ կոնտինգենտ են այդ տղաները, որովհետև իմ համար հետախուզական էր, ուզում էի հասկանալ՝ ովքեր են և 10 մետր ներքը, ևս երկու հոգի կային, որոնք տեսան, որ խոսում եմ, հետ են գնացել:  Ես կարծում եմ, որ այնտեղ ավելի շատ մարդ է եղել:Ես չէի մտածում, որ տղաները կգնան և հայտարարություններ կանեն և երբ երեկոյան աղմուկ բարձրացվեց, ես հասկացա, որ սա ծրագրավորված ակցիա է, որովհետև աղմկելու տեղ չունեին, ես պրովոկացիայի չգնացի: Այսպիսի քայլ անում են միայն սադրելու համար և դա հասկանալով սադրանքի չեմ գնացել, բայց տեսնում եմ, որ սա կառավարվող, ղեկավարվող  սկզբունք է: Ես զարմանալի չի լինի, որ ասեմ, որ ես ինֆորմացիա չեմ ուզում ստանալ, բայց ստանում եմ, և երեկ երեկոյան ես ունեի ինֆորմացի, որ քաղաքական որոշումներ են կայացնում, չտա Աստված, որ արդարությունը քաղաքական որոշումներով կայացնեն, նման պետությունը չի կարող երկար գոյատևել:

Նույն «Ազատությունը» այն  «Ազատությունն» է, որ  «Սասնա Ծռերի» ժամանակ էր  քարոզում, ասպատակում Ոստիկանությանը, երբ ես ոստիկանապետ էի: Սա այն «Ազատությունն» է, որ չի ընդունում Հայոց եղեռնը և այն երևույթներն է քարոզում, որը հարիր չէ մեր երկրն: Սա առաջին դեպքը չէ, երկու տարիների ընթացքում շատ են եղել սադրանքներ և իմ հետ աշխատող մարդիկ ասել են՝  մենք մեղավոր չենք, սա վերևից է»,-ընդգծեց նա:

Հիշեցնենք, որ Հայաստանի նախկին ոստիկանապետ Վլադիմիր Գասպարյանը խոչընդոտել է երեկ Սևանա լճի ափամերձ հատվածներում տեղակայված ապօրինի առանձնատների ու այլ կառույցների վերաբերյալ ռեպորտաժ պատրաստելիս «Ազատություն» ռադիոկայանի լրագրողների աշխատանքը:

Կարդացեք Վլադիմիր Գասպարյանի անունից պատրաստվում եմ հայց ներկայացնել դատարան. Տիգրան Աթանեսյան

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Հասարակություն ավելին