Առողջապահական կազմակերպիչ Գևորգ Գրիգորյանն իր ֆեյսբուքյան էջում գրել է․
«Ուզում եմ հասկանամ, մենք առհասարակ ունե՞նք առողջապահության նախարարություն թե ոչ:
Նոր ընթերցեցի վերը նշված կառույցի հրապարակած հերքումը առ այն, որ «Նորք» ինֆեկցիոն հիվանդանոցում հոսպիտալացված երկու չինացիների մոտ կա «կորոնավիրուս» ախտորոշման կասկած և հասկացա, որ կառույցում տիրող անգրագիտությունը ու սեփական անկարողությունը ծածկադմփոց անելու մոլուցքը մոտեցել է ազգային անվտանգության սպառնալիք լինելու շեմին:
Մեր «խելոքները», որոշել են իրենց բացթողումների «տակից դուրս գալ» բնակչության առողջության հաշվին և հերքում են «կորոնավիրուսի» հետ կապված ամեն հնարավոր բան, որպեսզի հերթական անգամ թաքցնեն, որ ժամանակին չեն կողմորոշվել և մինչև այժմ չեն էլ կողմնորոշվում, թե ինչպես պետք է պայքարեն վերը նշված վիրուսի տարածման դեմ:
Սահմանին երեք անգամ (դեռ հարցական է, թե ինչ ժամանակային ինտերվալով) ջերմաչափումով հնարավոր չէ հաստատել կամ հերքել վիրուսի գաղտնի շրջանը: Իսկ հիվանդանոցային պայմաններում ուղղորդվել միայն ռենտգենաբանական հետազոտությամբ՝ կատարյալ սխալ է, քանի որ այդ հետազոտությունը չի կարող լիարժեք պատասխանել հարցին՝ արդյո՞ք բուժառուն տառապում է կորոնավիրուսով կամ հանդիսանում է կրող, թե՞ ոչ:
Ախտորոշման համար անհրաժեշտ է հատուկ թեստ, որը մեր երկրում չկա, ուստի ախտորոշումը թերի է:
Ու փոխարենը մեր «խելոքները» շտապ կարգով այդ թեստերից բերեն երկիր, զբաղված են ծածկադմփոցով...
Վաղը հարցազրույցի ժամանակ ավելի մանրամասն կներկայացնեմ թեման»:
Դիտեք նաև՝ Այդ պատվաստանյութը պարտադիր է նույնասեռականների համար. Գևորգ Գրիգորյան
