Շատերի սրտերը գերած պապիկը վարչապետի հանձնարարականով ուշ գիշեր, 2-ն անց 15 րոպեին, եղել է Ծիծեռնակաբերդի հուշահամալիրում և իր ծաղիկներն է դրել Հայոց ցեղասպանության զոհերի հիշատակին:
«Քիչ անց՝ մեր բոլորի սրտերը գերած Պապիկին, վարչապետի հանձնարարությամբ, պետական մակարդակով կուղեկցեն Ծիծեռնակաբերդի հուշահամալիր, և նա, վերջապես, իր ծաղիկները կխոնարհի Հայոց Ցեղասպանության զոհերի հիշատակին»,- այս մասին նախօրոք գրել էր վարչապետի տիկին Աննա Հակոբյանը:
Հիշեցնենք, որ ապրիլի 24-ին 82-ամյա Արտուշ պապը ծաղիկները ձեռքին, տեղյակ չլինելով արտակարգ դրությամբ պայմանավորված սահմանափակումների մասին, գնացել էր Ծիծեռնակաբերդ, որպեսզի հարգանքի տուրք մատուցեր Ցեղասպանության նահատակների հիշատակին, բայց ոստիկանները նրան թույլ չէին տվել վերև բարձրանալ։
