«Ինչքան հասկացա, բացի Արփինե Հովհաննիսյանից, բոլորը վիրավորվել են»,- ԱԺ-ում լրագրողների հետ զրույցում, անդրադառնալով իր աղմկահարույց արտահայտությանը, ասել է ԱԺ «Իմ քայլը» խմբակցության պատգամավոր Անդրանիկ Քոչարյանը: «Անհայտ նշանակում է՝ հասարակությանը ոչ հայտնի: Չեմ պատրաստվում ներողություն խնդրել: Եթե Հովհաննիսյանի ընտանիքի անդամները նեղացել են, թույլ տվեք նրանք այդպիսի առաջարկով հանդես գան: Եթե վիրավորել եմ իր հայրիկին, պատրաստ եմ հանդիպել ու քննարկել խնդիրը»:
Ասուլիսի ընթացքում լրագրողները պատգամավորին տեղեկացրին, որ Արփինե Հովհաննիսյանի հայրը վաղուց մահացել է: «Ես չգիտեի՝ մահացել է, ու մինչև ձեր կողմից այդ լուրը հաղորդելը, պատրաստակամ էի նրա հետ քննարկել»,- ասաց Քոչարյանը:
