Մեր աղբյուրները հաստատում են Հայաստանի նախկին պաշտպանության նախարար Դավիթ Տոնոյանի` Եվրոպա մեկնելու փաստը։ Այս մասին գրում է togarma տելեգրամ ալիքը։
«Ավելին, մեզ հայտնի է ուղղությունը. դա Վիեննա փառապանծ քաղաքն է։ Ըստ երևույթին Դավիթ Տոնոյանը որոշել է կազմակերպել Վիեննայի պաշտպանությունը, որ թույլ չտա` թուրքը մտնի Եվրոպա։ Բարեբախտաբար, փորձ նա ունի»,- գրում է ալիքը` հավելելով, որ նրան ինքնաթիռ է տրամադրվել անձամբ Նիկոլ Փաշինյանի հանձնարարությամբ։
Ստորև ներկայացնում ենք Նիկոլ Փաշինյանի և Դավիթ Տոնոյանի երկխոսությունը վերջինիս հրաժարականի օրը` togarma տելեգրամ ալիքի, որը պնդում է, որ զրույցի բովանդակությունը հաստատված է իր աղբյուրների կողմից և ներկայացված է բավականին կոռեկտ ձևով։
Փաշինյան– Ընթացիկ իրավիճակում ես այլ տարբերակ չունեմ, քան քեզ աշխատանքից ազատելը։ Իրավիճակն անելանելի է։
Տոնոյան– Ինձ աշխատանքից ազատելու կարիք չկա։ Ինքս եմ եկել հրաժարականի դիմում ներկայացնելու։ Միայն թե 15:00-ի համար ինձ դեպի Վիեննա ինքնաթիռ կազմակերպիր։
Փաշինյան-Ոչ, դա անթույլատրելի է։ Երկրում ռազմական դրություն է։ Պետք է հասկանալ` ինչ անենք։
Տոնոյան-Անթույլատրելին Աննայի վարքագիծն էր բունկերում։ Ձայնագրություններն ինձ մոտ են, չէ՞: Այնպես որ արագացրու, ուղեղս մի հարթուկիր։
Դավիթ Տոնոյանը armtimes.com-ի հետ զրույցում հերքել է լուրերը, թե ինքը Վիեննա է մեկնել:
«Ես իմ հարազատ քաղաքում եմ՝ Երեւանում, հենց հիմա»,-ասել է Տոնոյանը:
Նախկին նախարարը չիցանկացել անդրադառնալ իր վերաբերյալ տարածվող այլ լուրերի՝ նկատելով, թե դրանք բոլորը շահարկումներ եւ մանիպուլյացիաներ են, իսկ ինքը չի պատրաստվում ֆեյքային լրատվությանը արձագանքել:
