Արդեն տեղեկացրել ենք, որ Մեծի Տան Կիլիկիո Արամ Առաջին կաթողիկոս Արամ Առաջինի նախագահությամբ՝ Բեյրութում՝ Անթիլիասի մայրավանքում, անցկացվում է Հայ մամուլի համահայկական համագումարը։ Երկօրյա համագումարին մասնակցում են Հայաստանից, Արցախից և Սփյուռքից հայ մամուլի շուրջ 100 խմբագիրներ, լրագրողներ, աշխատակիցներ։
Համագումարի մասնակիցներին ուղերձ է հղել ՀՀ վարչապետ Նիկոլ Փաշինյանը․ այն կարդացել է Լիբանանում ՀՀ դեսպան Վահագն Աթաբեկյանը։
Համագումարին մասնակցում է նաև վարչապետի տիկին Աննա Հակոբյանը, որ հանդես եկել ողջույնի խոսքով։
Հիշեցնենք, որ Մեծի Տանն Կիլիկիո կաթողիկոս Արամ Առաջինը 2019-ը հռչակել է «Հայ մամուլի տարի»։
