ՀՀ Ազգային ժողովի «Իմ քայլը» խմբակցությունը չքվեարկեց 2018 թվականի սեպտեմբերից սկսած տարբեր սուբյեկտների կողմից Երևան համայնքին տրանսպորտային միջոցների և այլ գույքի փոխանցման, ծառայությունների մատուցման պայմանագրերի, ինչպես նաեւ Երևան համայնքի կողմից դրանց հետ կապված այլ անշարժ կամ շարժական գույքի փոխանցման, այդ թվում` գույքային, ինչպես նաեւ ոչ գույքային իրավունքների, շինարարության թույլտվությունների, արտոնությունների տրամադրման իրավաչափությունն ու կոռուպցիոն ռիսկերն ուսումնասիրելու նպատակով ստեղծված քննիչ հանձնաժողովի անդամների թիվը հաստատելու մասին հարցին:
Հանձնաժողովի անդամների թիվը հաստատելու որոշման նախագիծը չընդունվեց 39 կողմ և 2 դեմ ձայնով: Այս նախագիծը «Լուսավոր Հայաստան» խմբակցության կողմից էր ներկայացվել։ Խմբակցության պատգամավոր Անի Սամսոնյանն իր ելույթում նշեց․ «Երեկ մենք մեր բոլոր փաստարկներով ջախջախեցինք ձեր ելույթները և բերված փաստարկներն առ այն, որ այս հանձնաժողովի ստեղծումը հակասահմանադրական է, որ դուք հասկացաք, որ դեմ քվեարկելը խնդիրներ է ստեղծելու ձեր համար»։
Մանրամասն՝ տեսանյութում։