Գյուղատնտեսության նախարարության անգործության պատճառով գյուղացին հայտնվում է ծանր իրավիճակում: Բնակլիմայական պայմաններն այնպիսին էին, որ ընկույզի բերքը նախորդ տարիների համեմատ անհամեմատ քիչ էր: Այդ պատճառով էլ տեղական ընկույզի միջուկի գինը բավական բարձր էր մեծ պահանջարկ ունենալու արդյունքում:

Այդուհանդերձ Հայաստան ներկրվեց մեծ քանակությամբ ցածր որակի ընկույզ Ռուսաստանից, Ուկրաինայից, Վրաստանից, որի գինն անհամեմատ ցածր է՝ համահունչ իր ցածր որակին, գյուղացին էլ հայտնվել է ծանր վիճակում, որովհետև ներկրված անորակ մթերքը վաճառվում է որպես տեղական, իսկ գյուղացին չի կարողանում վաճառել որակյալ տեղական մթերքը շուկայական գնով: Խաբեությունն ամենուր է՝ միայն խոսվում է տեղական արտադրանքի մասին, գյուղացուն աջակցելու մասին, իսկ երբ հերթը հասնում է գործին՝ որպես լավագույն հայկական գյուղմթերք իրացվում է ռուսական կամ ուկրաինական մթերքը:

Սաթ Մկրտչյան