Այսօր՝ սեպտեմբերի 24-ին, ԱԺ արտահերթ նիստում «Վարչատարածքային բաժանման մասին» օրենքում փոփոխություններ եւ լրացումներ կատարելու մասին օրինագծերի փաթեթի քննարկման ժամանակ «Քաղաքացիական պայմանագիր» խմբակցությունից պատգամավոր Սիսակ Գաբրիելյանը, անդրադառնալով ընդդիմության բոյկոտին, նշել է․
«Ընդդիմության պատգամավորներին կարելի է զրկել պարգևավճարներից»։
Սիսակ Գաբրիելյանի խոսքով՝ ընդդիմությունն անընդհատ պասիվություն է ցուցաբերում և ամեն առիթով բոյկոտում է խորհրդարանի աշխատանքը՝ փաստացի չիրականացնելով որեւէ գործունեություն։
«Ես չեմ հասկանում, թե ինչու են մեր ընդդիմադիր գործընկերներն ընդհանուր առմամբ համաձայնել վերցնել պատգամավորական մանդատներ, եթե մտադիր են յուրաքանչյուր հարց քննարկելիս լքել Ազգային ժողովի նիստերի դահլիճը: Դրանից հետո նրանք հպարտությամբ հայտարարում են, որ պատրաստ են իրենց պարգեւավճարները փոխանցել ուրիշներին: Դե, իհարկե, նրանք պետք է հրաժարվեն դրանից, քանի որ եթե այսպես շարունակվի, նրանք ընդհանրապես պետք է զրկվեն դրանցից»,- ասել է Գաբրիելյանը:
Հիշեցնենք, որ այսօր «Հայաստան» եւ «Պատիվ ունեմ» խմբակցությունները բոյկոտել են ԱԺ արտահերթ նիստը։
Դիտեք նաև՝
