Երևանի ավագանու արտահերթ ընտրությունները տեղի կունենան սեպտեմբերի 23-ին:
Այս մասին այսօր որոշվեց Կենտրոնական ընտրական հանձնաժողովում նիստի ժամանակ, որի օրակարգում էին Երևանի ավագանու արտահերթ ընտրությունների օրվա հրապարակման հարցն ու ընտրությունների նախապատրաստման ու անցկացման հիմնական միջոցառումների ժամանակացույցի հաստատումը:
Լրագրողների հետ զրույցում ԿԸՀ քարտուղար Արմեն Սմբատյանն ասաց, որ Երևանի ավագանու ընտրություններին մասնակցելու համար հայտերի ընդունման վերջնաժամկետը սեպտեմբերի 3-ն է: Սմբատյանը տեղեկացրեց, որ արտահերթ ընտրությունների ժամանակ քարոզարշավի ժամկետը կրճատվում է. «Քարոզարշավը կմեկնարկի սեպտեմբերի 10-ին և կավարտվի սեպտեմբերի 21-ին»:
