▲ Դեպի վեր

lang.iso lang.iso lang.iso

«Երևանի թիվ 1 տուն-ինտերնատ»-ի 2 բնակիչ ինքնասպան են եղել

Հաղթանակ թաղամասում գործող ՀՀ աշխատանքի և սոցիալական հարցերի նախարարության «Երևանի թիվ 1 տուն-ինտերնատ»-ում հաշվառված երկու բնակիչ ծառից պարանով կախվելու միջոցով ինքնասպան են եղել։

Տեղեկությունը MediaHub-ի հետ զրույցում հաստատել է տուն-ինտերնատի տնօրենի ժամանակավոր պաշտոնակատար Կոլյա Մակարյանը։

«Գործը այս պահին գտնվում է քննչական մարմնում: Նույն սենյակի բնակիչներ էին, հոգեկան առողջության հետ կապված որևէ խնդիր չեն ունեցել»,- ասել է Մակարյանը։

Ինքնասպանություն գործած անձինք տուն-ինտերնատի տարեցներ Եղիշե և Պերճ պապիկներն են: Դեպքը տնօրենին մտահոգում է։ Ասում է՝ գանգատներով, որևէ խնդրով իրեն երբևէ չեն դիմել:

Հոկտեմբերին մամուլում հայտնվեց միայն 80-մայա Պերճ Գ-ի ինքնասպանության մասին լուրը: Վերջինի մոտ հայտնաբերվել էր նամակ, որում գրված էր, որ իր մահվան մեջ ոչ ոք մեղավոր չէ:

Վերահրապարակումներում տեղ գտած մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Պատահարներ ավելին