Արդեն տեղեկացրել ենք, որ Համայն Ռուսիո Պատրիարք Կիրիլի խոսքերն, ըստ որոնց Թուրքիայում քրիստոնյաներին չեն ոչնչացրել, առաջացրել է համացանցի հայ օգտատերերի զարմանքն ու զայրույթը:
Տիգրան Խզմալյանն այս առիթով գրում է. «Ռուս պատրիարք Կիրիլը հայտնել է, որ Օսմանյան Թուրքիան երբեք քրիստոնյաներին չեր ոչնչացրել: Նա կամ ժխտում է Հայոց Եղեռնը, կամ տեղյակ չէ այդ մասին: Երեւի Պուծինը նրան չի ասել, թե ինչի է եկել Երեւան ապրիլի 24-ին, թեեւ «ցեղասպանություն» բառը նա էլ այստեղ չարտասանեց: Իսկ գուցե Կիրիլի համար հայերը քրիստոնյա էլ չե՞ն...»
