▲ Դեպի վեր

lang.iso lang.iso lang.iso

Ես ամաչում եմ, որ հայ եմ ու ապրում եմ Հայաստանում. մոդել Անիտա Հարությունյանը լքեց հայրենիքը

Դիտեք նաև՝

Օրեր առաջ մոդել Անիտա Հարությունյանն իր միկրոբլոգում տեղեկացրել էր իր հետևորդներին, որ պատրաստվում է ընդմիշտ մեկնել Հայաստանից, քանի որ համարում է, որ Հայաստանն արժանի չէ իր ներկայությանը: Սկանդալային մոդելի գրառումը համացանցում բուռն քննարկումների առիթ հանդիսացավ: Asekose.am-ը կապ հաստատեց մոդելի հետ՝ճշտելու, թե որն է նրա բարկության և հայրենիքը լքելու իրական պատճառը:

 

 

 

 

 

 

 

 

 

 

 

«Պետք է նշեմ, որ ոչ ոք չի կարող խանգարել ինձ ապրել Հայաստանում,և, առհասարակ, որտեղ ցանկանամ, այնտեղ էլ կապրեմ: Ինձ համար ուղղակի սարսափելի է, որ Հայաստանում՝ ի տարբերություն Ռուսաստանի, որտեղ ես երկար ժամանակ ապրել եմ, բացի նրանից, որ մարդիկ ունեն կեղտոտ բերան, այլ նաև փողոցներն են կեղտոտ: Ես չեմ ցանկանում, որ այդ աղբը գա ու լցվի իմ տուն: Ես չեմ վախենում խոսել այն ամենի մասին, ինչն ինձ անհանգստացնում է, քանի որ ես Հայաստանը ներկայացնում եմ տարբեր երկրներում և իրավունք ունեմ նաև պահանջել իմ երկրից: Իմ կյանքը գեղեցիկ ու բարեկեցիկ դարձնելու համար ուզում եմ ապրել Հայաստանից դուրս, քանի որ արտերկրում չկա այն կեղտը, որը սփռված է այստեղ: Շատ դեպքերում, երբ ընկերուհիներս արտերկրից գալիս են Հայաստան, ես ամաչում եմ նրանց հետ դուրս գալ փողոց, քանի որ ամոթ է, որ մարդիկ աղբի հոտ են շնչում: Ես չեմ կարողանում այս երկրում պարծենալ, այդ պատճառով էլ ցանկանում եմ ապրել այնտեղ, որտեղ ես ինձ լիարժեք ու հարմարավետ կզգամ»: Այն հարցին՝ արդյո ՞ք չի զղջում այստեղ թողնել ամեն բան և արտերկրում սկսել 0-ից, մոդելն ասաց.

 

 

 

 

 

 

 

 

 

«Հայաստանն արժանի չէ իմ ներկայությանն ու իմ գործունեությանը: Ես ամաչում եմ, որ հայ եմ և որ ապրում եմ Հայաստանում: Ես ինձ առավել եմ դասում և գնահատում : Եվ վստահորեն ասում եմ, որ արտերկրում իմ գործունեությունն ավելի է զարգանալու: Ինչ վերաբերում է այստեղի համագործակցություններին, պետք է փաստեմ, որ դրանք շարունակական են լինելու, իսկ արտերկրում շուտով կավելանան պայմանագրերը լուրջ ապրանքանիշների հետ: Ես կվերադառնամ այն ժամանակ, երբ մաքրվի ամեն բան, մարդկանց հոգիներից սկսած մինչև փողոցներ: Չեմ կարող չխոսել նաև այն մայրերից, ովքեր ամենավերջին հայհոյանքներով մեկնաբանություններ են թողնում: Նման մարդիկ ծնող դառնալու իրավունք չունեն: Ես այստեղ կապող այլևս ոչինչ չունեմ»:

Asekose.am-ի հետ զրույցի ժամանակ Անիտան գտնվում էր օդանավակայանում, սակայն մեր հարցին, թե որտեղ է պատրաստվում մեկնել, մոդելը նախընտրեց անպատասխան թողնել և հավելեց, որ չնայած այս ամենին՝ ինքը սիրում է իր հայրենիքն ու այստեղ է թողնում իր հույզերն ու սերը:

Դիտեք նաև՝

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Շոու-բիզնես ավելին