«Ես ուղղակի անհարմար էի զգում, երբ հետևում էի, թե ինչպես էին կուսակցության գրասենյակից դուրս եկող  տարբեր կալիբրի  «զնաչոկով» հանրապետականները, մեկ միասնական` «ֆաս» հրամանը ստացած, արտանետում մաղձ, կեղտ ու թույն:

Ես անկեղծորեն խղճացի հանրապետականների այդ կույտին: Նրանք սարսափելի ողորմելի էին, որովհետև միայն սկզբունքներ, խիղճ, արժանապատվություն ու դավանանք չունեցող մարդիկ կարող են մեկ հրահանգով անցնել նման հարձակման:

Ինչ վերաբերում է կուսակցությունը լքելու մասին լուրին, ապա կրկին խորհուրդ եմ տալիս ԲՀԿ-ն չշփոթել  իրենց կուսակցության  հետ, քանզի ակնհայտ է` երբ որ  ՀՀԿ-ն չլինի այլև  իշխանության , երեկ  Գերագույն մարմնի նիստից հետո հարձակման հրահանգավորվածների կույտը հերթ է կանգնելու հաջորդ իշխանության դռան առջև:
Բնականաբար, նրանք բոլորն ստանալու են իրենց արժանի գնահատականը, վստահեցնում եմ ձեզ: Շատ քիչ է մնացել»,-հայտարարել է ԲՀԿ խմբակցության քարտուղար Նաիրա Զոհրաբյանը` «Կենտրոն» հեռուստաընկերության եթերում: