«Ես ինքս եղել եմ մեկուսարաններում, այնտեղ գոյություն չունի ոչ մի նորմատիվի պահպանում, որը կա՝ ԱՀԿ կողմից սահմանված: Այն, որ մենք դատական նիստ ենք անում, սա էլ է ռիսկային միջավայր»: Այս մասին այսօր Երևանի ընդհանուր իրավասության դատարանում ասաց սահմանադրագետ, փաստաբան, ՀՀ երկրորդ նախագահ Ռոբերտ Քոչարյանի պաշտպան Արամ Վարդևանյանը:
Վերջինս միջնորդեց որպես ավտոնոմ խափանման միջոց գրավ կիրառել, իսկ գրավի չափի որոշումն էլ թողեց դատարանի հայեցողությանը:
Հիշեցնենք, որ այսօր Երևանի ընդհանուր իրավասության դատարանում՝ դատավոր Աննա Դանիբեկյանի նախագահությամբ Ռոբերտ Քոչարյանի գործով դատարանը քննարկում է խափանման միջոցի փոփոխության հարցը: Միջնորդությունը ներկայացրել է պաշտպան Հայկ Ալումյանը՝ նշելով, որ Ռոբերտ Քոչարյանը սրտանոթային խնդիրներ ունի, ռիսկի խմբում է, ուստի դատարանին միջնորդում է անհապաղ վերացնել խափանման միջոց կալանքը և այն փոխարինել այլ՝ ազատությունից զրկելու հետ չկապված խափանման միջոցով:
Ըստ պաշտպանի՝ հարցը պետք է քննարկել անհապաղ: «Շաբաթը մեկ նիստ եք անում, հետո գնում արձակուրդ»,- նշեց պաշտպանը, ինչին ի պատասխան դատավոր Աննա Դանիբելյանը հորդորեց ըստ էության խոսել:
Դիտեք նաև՝
