Վարդաշեն քրեակատարողական հինարկում հրավիրած ասուլիսում Շանթ Հարությունյանը վարչապետ Նիկոլ Փաշինյանին առաջարկեց համաներում հայտարարել բոլոր ազատազրկման դատապարտվածների ու կալանավորվածների համար:
«Ես Նիկոլ Փաշինյանին առաջարկում եմ, որ ամնիստիա անի բոլոր կալանավորների համար, 5000 մարդ կա բանտերում: Հեղափոխությունները, եթե իսկապես հեղափոխություն է, առավել ևս եթե անունը դնում են սիրո և համերաշխության, եթե արմատական փոփոխություն ա, անմիջապես պետք ա լինի ամնիստիա:
Ես լինեի վարչապետը, ոչ կսպասեի մայիսի 28-ին, ինքն ուներ էդ հնարավորությունը 20 օր հետո անել ամնիստիա, ոչ կսպասեի սեպտեմբերի 21-ին, ես ուղղակի կասեի՝ հեղափոխության հաղթանակն էսօր ազգային տոն ա լինելու, ուստի մարդասիրական ակտ եմ կատարում: Սա ոչ ֆինանս ա պահանջում, ոչ ներդրում: Իսկ եթե մարդիկ կասեն՝ նրանք հանցագործ են, հանցագործ ռեժիմը էն, որ իզուր չէի ասում՝ Հայաստանը սարքել էին սուչի զոնա՝ վերևից ներքև: Մարդը կարող ա հակված չէ հանցագործություն անելու, բայց պայմաններն են թելադրում նրան: Հեղափոխության ճակատին պետք ա գրված լինի՝ հումանիզմ: Նույնիսկ բռնապետները երբ հեղաշրջում են անում, գոնե ձևական ճակատին գրում են՝ հումանիզմ»,- ասաց Շանթ Հարությունյանը: