«Նրանք, ովքեր նման հիմար բաներ են տարածում, հեռու են գտնվում իրականությունից հեռու։ Ձայնագրության մեջ անծանոթ բան չկա, առավել ևս զանգողը զանգահարել է աշխատանքի պահին, ոչ թե ինքն է զանգահարել, այլ իրեն են զանգահարել և խնդիրներ են առաջադրել՝ որտեղ ընտրեն և ինչ անեն։ Այդտեղ որևէ խնդիր չկա, եթե բանի տեղ դնող լինեի, ով որ տարածել է այդ խնդիրը, նրան դատի կտայի», – այսօր ԱԺ-ում լրագրողների հետ զրույցում ասաց Գալուստ Սահակյանը` անդրադառնալով մամուլում տարածված այն լուրերին, որոնց համաձայն` իր հարսը՝ Երևանի թիվ 38 մանկապարտեզի տնօրեն Սեդա Հակոբյանը, հրահանգել է իր ենթակայությամբ գտնվող աշխատողներին մարզերում բնակվող իրենց հարազատներին վերագրանցել թիվ 2 ընտրատարածքում, որտեղ ռեյտինգային ընտրակարգով առաջադրվել է Արման Սահակյանը:
«Որևէ մեկը չի պարտադրում: Վերջին հաշվով, այսօր գրանցումն այն սովետական ժամանակի գրանցումը չէ: Որ շատ խոսում եք, ուզում եմ վիրավորվել, իմ հարսը շատ բարեհոգի աղջիկ է, եթե ցանկանա էլ գրանցել, դա իր գործը չէ: Եթե մենք մտածենք մարդ բերել գրանցել, դա ոչ թե մեր հարսին պետք ա դիմենք, ապա Գալուստ Սահակյանը մարդ կբերի կգրանցի, բայց ոչ հարսը»:
