ՊԵԿ նախկին նախագահ Գագիկ Խաչատրյանին եւ նրա եղբորորդուն՝ Կարեն Խաչատրյանին մեղադրանք է առաջադրվել առանձնապես խոշոր չափերի վատնման եւ պաշտոնեական դիրքի չարաշահման համար:
Տեղեկությունը Հայկական Ժամանակի հետ զրույցում հաստատել է նրանց պաշտպան Երեմ Սարգսյանը: Նա ասել է, որ նախաքննական մարմինը իր պաշտպանյալներին կալանավորելու միջնորդություն է ներկայացրել դատարան: Պաշտպանն առայժմ այլ մանրամասներ չի հայտնել:
Նշենք, որ երեկ նրանց ձերբակալելու որոշման դեմ պաշտպանական կողմը բողոք էր ներկայացրել. չի բացառվում, որ այսօր դատարանը բողոքն ու միջնորդությունը կքննի միաժամանակ:
Կայքի տեղեկություններով՝ երեկ Գագիկ Խաչատրյանը մեղադրանքի առաջադրումից հետո կրկին հարցաքննվել է:
Հիշեցնենք, որ նախօրեին ԱԱԾ-ն խուզարկություններ էր իրականացրել ՊԵԿ նախկին նախագահին պատկանող տարածքներում: Քննչական գործողությունների ավարտից հետո Խաչատրյանն ու նրա եղբորորդին՝ կարեն Խաչատրյանը ձերբակալվել էին: Նրանք կասկածվում են առանձնապես խոշոր չափերի վատնման եւ պաշտոնեական դիրքի չարաշահման համար: Այս գործով Խաչատրյանը ԱԱԾ-ում մի քանի անգամ հարցաքննվել է:
