Հայաստանը զավթված է եղել Սերժ Սարգսյանի և Ռոբերտ Քոչարյանի կողմից։ Նրանք ստեղծել էին այնպիսի Հայաստան, որ մեկ պետք է սպասարկել Սերժ Սարգսյանին, մեկ՝ Ռոբերտ Քոչարյանին։
Այսօր այս մասին ԱԺ ճեպազրույցների ժամին ասաց ԱԺ փոխնախագահ Ալեն Սիմոնյանը՝ ասելով, որ դա կարողացել են սպասարկել առաջին հերթին դատարանների միջոցով:
«Մենք փոխեցինք իշխանությունը և խնդիր առաջացավ օրենսդիր մարմնի հետ։ Ես չեմ կարող չհիշել հոկտեմբերի 2-ը, երբ փորձ եղավ կանգնեցնել հեղափոխությունը և ուզում եմ գաղտնիք բացել։ Հոկտեմբերի 2-ից օրեր առաջ ԱԺ բակում տեղի էր ունեցել տոնակատարություն՝ Խորհրդարանի 100-ամյակի առթիվ։ Եվ այդ ժամանակ ՀՀԿ պատգամավորներից երկուսն ասացին հետևյալը՝ ոչինչ, կտեսնեք՝ մի քանի օր հետո ինչ կլինի, դուք մեզ թերագնահատում էիք։ Ես չէի հասկանում, թե ինչի մասին է խոսքը, սակայն եղավ հոկտեմբերի 2-ը»,- պատմեց Ալեն Սիմոնյանը։
