Այսօր առավոտյան Գյումրու ծննդատանը դժբախտ դեպք է տեղի ունեցել: Asekose.am-ի հետ զրույցում ծննդատան տնօրեն Վարդան Սարգսյանը պատմեց, որ երիտասարդ զույգի առաջնեկը ծնվել է մահացած.
«Երեխան ծնվել է մահացած, մաշկն ամբողջությամբ բացակայել է, գլուխը դեֆորմացված է եղել»:
Այն հարցին` արդյո՞ք ծննդկանը մինչև ծննդաբերությունը համապատասխան հետազոտություններ անցել է և հնարավոր չի եղել կանխել դեպքը, Վարդան Սարգսյանն ասաց.
«Նա բոլոր հետազոտություններն անցել է ոչ միայն մեր հիվանդանոցում, այլ նաև` այլ հիվանդանոցներում, ինչպես նաև ինֆեկցիոն բուժումներ է ստացել»,- ասաց ծննդատան տնօրենը:
Խոսելով ծննդկանի առղջական վճակի մասին՝ Վ.Սարգսյանը նշեց, որ աղջկա վիճակն այս պահին բավարար է, և բժիշկներն ամեն բան անում են նրա շուտ ապաքինման համար:
