|
«Ես այստեղ եմ որպես «Քաղաքացիական պայմանագիր» կուսակցության վարչության անդամ և որպես «Քաղաքացիական պայմանագիր» կուսակցության կողմից առաջադրվելիք Երևանի քաղաքապետի թեկնածու»,- այսօր՝ լրագրողների հետ զրույցում հայտարարեց «Սուրմալու» առևտրի կենտրոն՝ պայթյունի վայր, այցելած նախկին փոխվարչապետ Տիգրան Ավինյանը։ Ներկայացնում ենք համացանցի մի քանի արձագանք Ավինյանի այս խոսքերին․ |
Տիգրան Վարդանյանը գրում է․
Մարդ ինչքան անսկզբունք, անտակտ, անդաստիարակ ու անպիտան պետք է լինի, որ գնա Սուրմալու ու ասի, թե բա ես այստեղ եմ, որպես ՔՊ-ի քաղաքապետի թեկնածու: Ասենք, Ավինյան Տիգրան, ամոթ չես անու՞մ: Մարդկանց ոսկորների վրա քարոզարշա՞վ եք անում, հա՞: Չնայած, հազարավոր տղերքի ոսկորների վրա ու կյանքերի հաշվին միլիոնատերեր դարձաք, թե ասա ինչի՞ եմ զարմանում, որ Սուրմալու ԱԿ-ում քարոզարշավ ես անում:
Արսեն Բաբայանը գրում է․
Սրանց համար միակ սրբությունը պաշտոնն է: Այն աստիճանի թքած ունեն անգամ ողբերգության ու սգի վրա, որ ողբերգությունն օգտագործում են որպես քարոզարշավ:
Ո՞ր ազգի արյունն է հոսում ձեր երակներում...
Բաբկեն Հարությունյանը գրում է․
Տիգրան Ավինյանը քիչ առաջ Սուրմալույում հայտարարել է, որ այդտեղ այցելել է նաև որպես ՔՊ–ի կողմից առաջադրվելիք քաղաքապետի թեկնածու։
Իշխանություն կոչվածը Երևանում արդեն հայտարարե՞լ է ընտրություն անցկացնելու մասին, և կարո՞ղ ենք համարել, որ Ավինյանը քարոզարշավը սկսեց պայթյունի վայրից։
Մի հարց էլ վերջում. Կարո՞ղ է Ավինյանը վստահ է, որ Նիկոլն իրեն էլ է գցելու, դրա համար մի քայլ շուտ փորձում է ինքն իրեն ապահովագրել։
Գեղամ Պետրոսյանը գրում է․
Լավ կանեք լռեք ։ ՔՊ ո՞րն ա՝ Քեմալական պայմանագիր, հա՞։ Ինչ կար քանդեցիք ու նվիրեցիք թուրքերին։ Ձեր ապիկար ու անգրագետ կառավարման արդյունքում Հայաստանը աշխարհի ամենաանվտանգ երկրների շարքից տեղափոխվել է ամենաանապահովների շարք։ Մարդկանց ցավի ու դարդի վրա փիառվողները։ Դուք վաղուց պիտի դատված լինեիք....
