Երևանում վթար է ենթարկվել վիրավոր զինվորին տեղափոխող շտապօգնության մեքենան: Այս մասին ֆեյսբուքյան իր էջում գրառում է կատարել Առողջապահության նախարարի խորհրդական Աշոտ Սարգսյանը։
Նրա գրառումը ներկայացնում ենք ստորև.
«Հարգելի վարորդներ ջան, խնդրում եմ հատկապես այս օրերին ուշադիր եղեք և զիջեք շտապօգնության մեքենաներին: Ամեն վայրկյանը շատ կարևոր է շտապօգնության մեքենայով տեղափոխվողների համար: Քիչ առաջ վթար է ենթարկվել վիրավոր զինվորին տեղափոխող շտապօգնության մեքենան: Զինվորը տեղափոխվեց Աստղիկ բկ»:
