«Հարավկովկասյան երկաթուղու» աշխատանքը Հայաստանում տնտեսական է, սակայն ԶԼՄ-ները այն քաղաքականացնում են։ Այս մասին ասել է ՀՀ վարչապետ Նիկոլ Փաշինյանը` Коммерсантъ-ին տված հարցազրույցում։
Նիկոլ Փաշինյանը վստահություն է հայտնել, որ հարցի շուրջ համաձայնության կգան, իսկ պայմանագրի վաղաժամ խզման խոսք լինել չի կարող:
«Դրա համար ոչ մի նախադրյալ չեմ տեսնում: Հայաստանը դա չի ուզում, և Ռուսաստանը դա չի ուզում: Ինչո՞ւ պետք է դա տեղի ունենա»,- նշել է Փաշինյանը` պատասխանելով լրագրողի հարցին:
Հիշեցնենք` «ՀԿԵ» ՓԲԸ-ն հանդիսանում է «Ռուսական երկաթուղիներ» ԲԲԸ-ի դուստր ընկերություն և իրականացնում է Հայաստանի երկաթուղային համակարգի կոնցեսիոն կառավարումը: Համաձայն 2008 թ. փետրվարի 13-ին Երևանում կնքված պայմանագրի՝ կոնցեսիոն կառավարման ժամկետը կազմում է 30 տարի՝ կողմերի փոխադարձ համաձայնությամբ ևս 10 տարի երկարացման իրավունքով: