Վարչապետի թեկնածու առաջադրելու հարցում ՀՀԿ-ն որևէ անակնկալ չի պատրաստվում մատուցե. այս մասին լրագրողներին ասաց ՀՀ ԱԺ փոխնախագահ Արփինե Հովհաննիսյանը։
Հարցին` արդյոք անհրաժեշտ է հրավիրել նիստ այն դեպքում, երբ ոչ մի խմբակցություն թեկնածու չի առաջադրում՝ Հովհաննիսյանը պատասխանեց. «Նիստ պետք է գումարվի ցանկացած դեպքում։ Սա իրավունքի ուժով գումարվող հատուկ նիստ է, որը պետք է հրավիրվի։ Մնացած ձևակերպումների հետ կապված՝ այս պահին չեմ ուզում որպես ՀՀԿ ներկայացուցիչ՝ ինչ-որ վերաբերմունք կանխորոշել»:
Ըստ Հովհաննիսյանի` այս պահին կառավարության ներկայացուցիչների միջև ևս կա անհամաձայնություն, թե ինչպես անցկացնել արտահերթ ընտրությունները, քանի որ կա անհամաձայնություն «քվեարկություն» տերմինի հետ կապված։ Արփինե Հովհաննիսյանը նկատեց, որ կա երկու տարբերակ՝ Նիկոլ Փաշինյանի թեկնածությունն առաջադրել ու հետո ենթադրել, որ կլինի քվեարկություն, որտեղ նա չի ընտրվի, կամ էլ որևէ քաղաքաակն ուժ որևէ թեկնածուի չի առաջադրի։
«Մեկնաբանությունը սահմանադրականության տիրույթում է, թող կառավարությունն ինքը որոշի»,- ասաց նա։
Կարդացեք նաև՝ Չեմ կարող դրանք լուռ կուլ տալ. Արփինե Հովհաննիսյան
