ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանը հարցազրույց է տվել ռուսական լրատվամիջոցներին։
«Ապուտնիկ Արմենիայի» լրագրողը հարցրեց` «Առաջին նախագահը (Լևոն Տեր-Պետրոսյան-խմբ.) կանխատեսում է քաղաքացիական պատերազմ. Ձեր կարծիքով` ինչպիսի՞ն կլինեն ընտրությունների արդյունքները, և պատրա՞ստ եք մարդկանց դուրս բերել փողոց, հնարավո՞ր է բախում»:
Ի պատասխան հարցին` Քոչարյանն ասաց. «Դա, իհարկե, իրադարձությունների ծայրահեղ ոչ ցանկալի զարգացում է, չի կարելի ամբողջությամբ այն հերքել, ես կարծում եմ, որ ամեն ինչ կախված է նրանից, թե ինչպիսին կլինեն ընտրության արդյունքները և ամեն ինչ կախված կլինի նրանից, թե ինչպիսի վստահությամբ կվերաբերվի հասարակությունն այդ արդյունքներին»:
Քոչարյանի խոսքով` եթե ԿԸՀ-ն իր աշխատանքն իրականացնի օրենքի շրջանակներում, ապա, իր կարծիքով, լուրջ հետևանքներ չեն լինի:
