Այսօր «Ազատ դեմոկրատներ» կուսակցության վարչության անդամ, մամուլի խոսնակ Սոնա Մինասյանը հայտարարել էր, որ «Ազատ դեմոկրատների» համամասնական ցուցակը գլխավորելու է կուսակցության նախագահ Խաչատուր Քոքոբելյանը, իսկ Հրանտ Բագրատյանի հետ կապված բոլոր հարցերին կպատասխանեն երեկոյան վարչության ընդլայնված նիստից հետո:
168.am-ը «Ազատություն» կուսակցության նախագահ Հրանտ Բագրատյանից հետաքրքրվել է` ճի՞շտ է, որ ցուցակը գլխավորելու է Խ.Քոքոբելյանը: «Նման բան չկա»,- պատասխանել է Բագրատյանը՝ նշելով, որ հենց հիմա Քոքոբելյանն իր կողքին է, խոսափողը փոխանցեց նրան:
Հարցին, թե ո՞վ է լինելու ցուցակի առաջին համարը, այդ հարցն արդեն որոշվե՞լ է, Խ.Քոքոբելյանը կրկնել է, որ այդ մասին ևս վաղը հստակ կհայտարարեն: «Իմ և իմ ավագ ընկերոջ մեջ թող ոչ մեկ սեպ չխրի»,- հավելել է Խ.Քոքոբելյանը:
Մանրամասները՝ սկզբնաղբյուր կայքում