Դիտեք նաև՝
Սկանդալային մոդել Անիտա Հարությունյանը Asekose.am-ին պատմել է, թե ինչպես և ում հետ է դիմավորել 2020 թվականը:
Ինչպե՞ս դիմավորեցիք 2020 թվականը և ո՞ւմ հետ:
2020 թվականը դիմավորել եմ շատ բարձր տրամադրությամբ և ինձ շատ հարազատ մարդկանց ընկերակցությամբ: Ամեն տարի յուրովի եմ սպասում Ամանորին, քանի որ այն ինձ համար ուղղակի հրաշք է:
Նախորդ տարին Ձեզ համար բեղումնալի էր՝ տարբեր համագործակցություններ, ֆոտոշարքեր, առաջարկներ և այլն, կարելի է ասել, որ այն Ձեզ համար ստացված տարի էր:
Այո, տարին ինձ համար ստացված էր, քանի որ ես նույնիսկ չէի ակնկալում այն ամենն, ինչ ստացա այս տարուց: Բեղումնալի ու շահավետ տարի էր 2019 թվականը: Շնորհակալ եմ բոլոր կազմակերպություններին ու ապրանքանիշերին ինձ վստահելու, մշտական համագործակցության համար: Հույս ունեմ, որ նույնը կասեմ նաև 2020 թվականի մասին:
Սովորաբար տարեվերջին մենք ամփոփում ենք և վերհիշում անցած տարին, ազատում ենք մեզ այն ամենից, ինչն ավելորդ է մեզ համար, ազատում ենք ավելորդ մարդկանցից ու սովորություններից: Հետաքրքիր է՝ Ձեր դեպքում ինչպե՞ս եղավ:
Իմ դեպքում ևս այդպես է: Ես ամփոփեցի իմ անցած տարին, իմ շրջապատից հեռացրի այն մարդկանց, ովքեր կեղծ ու չար են: Ազատեցի ինձ այն նեգատիվից, որը իմ շուրջն էր: Հասկացա, որ չպետք է մոտ ընդունել յուրաքանչյուրին և չպետք է թողնել, որ ամեն անարժան կայանա իմ շնորհիվ: 2020 թվականը ավելի հանգիստ ու խաղաղ եմ սկսել:
Հավատո՞ւմ եք Ձմեռ Պապիկի գոյությանը:
Իհարկե հավատում եմ, ես հավատում եմ, որ ինչ-որ տեղ գոյություն ունի այդ հրաշքն ու կախարդական հեքիաթը:
Ի՞նչ երազանք պահեցիք 00:00-ին:
Երազանք պահեցի, որ պահպանեմ այն ամենն, ինչ ունեմ, որ շարունակեմ առաջ գնալ նույն տեմպերով ու ուժով, որ ընտանիքիս միշտ առողջ ու երջանիկ տեսնեմ: Ես արդեն երկար ժամանակ է Աստծուն ոչ թե խնդրում եմ, այլ շնորհակալություն հայտնում այն ամենի համար, ինչ ունեմ:
Ի՞նչ նվերներ եք ստացել և ո՞րը կառանձնացնեք:
Նվերներս բազմաթիվ են, ոչ միայն մտերիմներիցս և ընկերներիցս, այլ նաև այն բոլոր ապրանքանիշերից, որոնց հետ ես աշխատել եմ: Կարող եմ առանձնացնել Victoria`s Secret-ի անմոռանալի ու տարբերվող նվերները, որոնք մեծ սիրով եմ օգտագործում:
Ո՞րն է Ձեզ համար Նոր Տարվա խորհրդանիշը:
Նոր Տարվա խորհրդանիշ համարում եմ լույսերը , զարդարանքն ու իմ շքեղ տոնածառը:
Ի՞նչ սպասելիքներ ունեք 2020 թվականից:
Գիտեմ, որ այն երջանկության, սիրո ու առատության տարի է լինելու: Պատրաստվում եմ մեծ ու բուռն աշխատանքներ կատարել, կարելի է ասել՝ հավաքել եմ բոլոր ուժերս դրանց համար:
Եվ վերջում…
Վստահ եմ, որ առնետն անպայման կզարմացնի մեզանից յուրաքանչյուրին: 2020 թվականը մեզ հնարավորություն կտա երազանքներն իրականացնել: Նոր Տարում ամեն ինչ կսկսվի նոր, մաքուր էջից, որի վրա ազատ ենք պատկերելու մեր երազածը: Ժամանակն է առանց վերապահումների և լիարժեք գործել:
