Այսօր լրագրողների հետ զրույցում ԱԺ ԲՀԿ խմբակցության պատգամավոր Վարդան Ղուկասյանը հերքեց, որ ինքը սպառնացել է «Իմ քայլը» խմբակցության պատգամավոր Նազելի Բաղդասարյանին։ Վարդան Ղուկասյանը հավելեց, որ այդ հարցով իրեն ոչ ոք չի հարցաքննել. «Բայց ինչի պետք է հարցաքննեն: Ոնց ասենք, որ հասկանաք, որ էդպիսի բան չկա: Ես հենց հիմա պաշտոնապես հայտարարում եմ, եթե այդպիսի բան են ասել, թող իրավապահները գնան ստուգեն»:
Նա ընդգծեց, որ Նազելի Բաղդասարյանի ընտանիքին հողահատկացում է արել, խանութի տեղ է տվել. «Ինքը փոքր է, կալիբրները չի բռնում»,-ընդգծեց նա:
Լրագրողի դիտարկմանը՝ Ձեր տերն ո՞վ է՝ ՀՀԿ-ն, թե՞ ԲՀԿ-ն, ասաց. «Իմ տերն Աստված է, իսկ քո տերը, հավանական է, շատերն են: Ես միակ մարդկանցից եմ, որ տերեր չեն փնտրել մինչև էսօր, մի բան էլ ես եմ ուրիշներին տեր լինում»:
Կարդացեք նաև՝Եթե Նարեկացին, Ներսես Շնորհալին մեղավոր են, ես ո՞վ եմ, որ մեղավոր չլինեմ. Վարդան Ղուկասյան
