Հեռախոսազրույցի ընթացքում Ռուսաստանի Դաշնության եւ Ամերիկայի միացյալ նահանգների նախագահներ Վլադիմիր Պուտինը եւ Դոնալդ Թրամփը պայմանավորվել են տեղեկատվություն եւ հնարավոր նախաձեռնություններ փոխանակել Կորեական թերակղզում խնդրի լուծման ուղղությամբ:
«Նախագահները զրուցել են հօգուտ երկխոսության հաստատման եւ Հյուսիսային Կորեայի հետ շփումների կառուցման»,- լրագրողներին ասել է ՌԴ նախագահի մամուլի քարտուղարը:
Պեսկովը չի մանրամասնել, թե որքա՞ն է տեւել հեռախոսազրույցը, սակայն նշել է, որ այն «երկար եւ բովանդակալից էր...»:
Հիշեցնենք, որ դեկտեմբերի 15-ին երկու երկրների ղեկավարների միջեւ հեռախոսազրույց է տեղի ունեցել:
