Արդեն տեղեկացրել ենք, որ ՀՀ 2-րդ նախագահ Ռոբերտ Քոչարյանը կրկին հայց է ներկայացրել ընդդեմ վարչապետ Նիկոլ Փաշինյանի, որի հիմքում դրված են Սահմանադրական փոփոխության հանրաքվեի ժամանակ Փաշինյանի կողմից հնչեցրած երեք արտահայտությունները:
Ռոբերտ Քոչարյանի փաստաբան Հայկ Ալումյանն այսօր՝ ապրիլի 8-ին, մամուլի ասուլիսի ժամանակ ներկայացրել է հայտարարություններից մեկը, որը վարչապետ Նիկոլ Փաշինյանն արել էր մարտի 11-ին Տաթևի Շինուհայր բնակավայրում.
«Ինքը Ռոբերտ Քոչարյանին մեղադրում է թալանի մեջ, երկու ուրիշ դրվագում էլ նորից նմանատիպ մեղադրանքներ են հնչում Քոչարյանի հասցեին»,- ասել է Ալումյանը:
Նրա խոսքով՝ վարչապետի ոչ ստանդարտ, ահաբեկչական քայլերը դատական համակարգի նկատմամբ իրենց նպատակին ծառայել են:
Նիկոլ Փաշինյանը մասնավորապես ասել էր.
«Ասում եմ անվանական, Սերժ Սարգսյան, Ռոբերտ Քոչարյան, Գագիկ Խաչատրյան, Արամ Հարությունյան, եվրոպացիների փեշերի տակ չեք պախկվի, Ձեր թալանածը կոպեկ-կոպեկ պտի բերեք»:
Հիշեցնենք, որ Ռոբերտ Քոչարյանը պահանջել է 2 մլն դրամի փոխհատուցում:
