Ֆինանսների նախարարության մաքսային ծառայության կողմից հրապարակվեց 2014թ-ի հունվար-սեպտեմբեր ամիսների արտաքին առևտրի ցուցանիշները, որում Հայաստանից Ռուսաստան արտահանման ցուցանիշը նախորդ տարվա նույն ժամանակահատվածի համեմատ կրճատվել է 6.5%-ով կամ 15.2 մլն դոլարով՝ կազմելով 219.1 մլն:

Այս տարվա հունվար-սեպտեմբեր ամիսներին Հայաստանից Ռուսաստան արտահանման 6.5%-ի նվազման պատճառներից կարող ենք նշել հատկապես որոշ գյուղմթերքների բերքի կրճատումը: Արտահանման կրճատման վրա ամենամեծ ազդեցությունը թողել է մրգեղենի՝ հատկապես ծիրանի բերքի սակավությունը, որի արդյունքում արտահանումը կրճատվել է 59%-ով կամ մոտ 10 մլն դոլարով:

Ծիրանի սակավ բերքի և արտահանման կրճատման կապի մասին խոսում է նաև այն փաստը, որ նախորդ տարի արտահանված թարմ պտուղբանջարեղենի ընդհանուր ծավալի ավելի քան 36 տոկոսը կազմել է ծիրանը:
Արտահանման ծավալների կրճատման կարևոր պատճառ է նաև Վերին Լարսի պարբերաբար անցանելի դառնալը, ինչը այս տարի շատ հաճախակի բնույթ էր կրում:

Բաբկեն Մկրտչյան