Երկրապահ կամավորականների միության ստեղծման 30-րդ տարեդարձին նվիրված միջոցառման ժամանակ իր ելույթում ՀՀ վարչապետ Նիկոլ Փաշինյանը խոսել էր սպարապետ Վազգեն Սարգսյանի մասին. «Երկրապահությունն, իմ ընկալմամբ, առաջին հերթին ձևավորեց որպես մտածողության փոփոխություն, և այդ մտածողության փոփոխության առաջին կրողը հենց Վազգեն Սարգսյանն էր: Նա խոստումնալից գրող էր, խոստումնալից կազմակերպիչ, մշակույթի ոլորտի խոստումնալից գործիչ:

Ինչպե՞ս ստացվեց, որ նա դարձավ Հայոց սպարապետ: Առաջին հերթին, մտածողության փոփոխության բերումով, որովհետև այդ մտածողությունն է՝ հասկանալ ինչ է կատարվում և ադեկվատ արձագանքել կատարվողին: Վազգեն Սարգսյանը հասկացավ, որ Հայոց պետականությունն ամենակարևորն է և ամեն ինչից վեր»:

Քաղաքագետ Աղասի Ենոքյանը միջադեպ է հիշել Նիկոլ Փաշինյանի՝ լրագրողական տարիներից, երբ Վազգեն Սարգսյանը ծեծել էր նրան: