▲ Դեպի վեր

lang.iso lang.iso lang.iso

«Ինչպես է Արմեն Բեգոյանն ուղիղ եթերում խափում Տիգրան Ավինյանին». Հովսեփ Կուբատյան

Թարմացված․ Համացանցում շարունակվում է քննարկվել Երևանի ավագանիում տեղի ունեցած սկանդալային միջադեպը, երբ «Կանաչապատում և շրջակա միջավայրի պահպանություն» ՀՈԱԿ-ի նախագահ Արմեն Բոգեյանն ուղիղ եթերում բացահայտ մոլորեցնում է` Ալեք Մանուկյան փողոցից ցույց տալով մի քանի տարի առաջվա լուսանկար ու այն ներկայացնելով` որպես փողոցի ներկայիս տեսք:

Երևանի ավագանու «Ազգային առաջընթաց» խմբակցության անդամ Գրիգոր Երիցյանն այս կապակցությամբ գրում է. ««Վիքիպեդիա»-ից 2015-ի նկար են գողացել և Ավինյանին ուղիղ եթերում համոզում են, որ սա 2024 թվականի նկար է, Ալեք Մանուկյան փողոցի ծառերն ահավոր վիճակում են, պետք է օր առաջ փոխարինվեն մեր քաղաքին հարիր թանկարժեք ծառերով։
«Կանաչապատում և շրջակա միջավայրի պահպանություն» ՀՈԱԿ-ից դեռ չե՞ն հայտնել, որ սա իրականում Ալեք Մանուկյան փողոցը չէ, նկարում ծառեր չեն, Ռադիոտան շենքը չէ, ներկայացնողն էլ Բեգոյանի կլոնն է։
Հենց այսպես է ոչնչացվում քաղաքի կանաչ ֆոնդը՝ ծառերի փոխարինման ծրագրի անվան տակ»։

Գրառման մեկնաբանություններում նա հավելում է. «Սա նախապես ձեռք բերված պայմանավորվածություն է, հակառակ դեպքում ոչ մի ղեկավար չի հանդուրժի, որ իրեն հիմարի տեղ դնեն»:

***

Երևանի ավագանու «Ազգային առաջընթաց» խմբակցության անդամ Հովսեփ Կուբատյանը լուսանկարներ է տարածել ֆեյսբուքյան էջում՝ կից գրառմամբ. «Փոքրիկ հետաքննություն
Թե ոնց է Արմեն Բեգոյանն ուղիղ եթերում խափում Տիգրան Ավինյանին
Արմեն Բեգոյան (Երևանի «Կանաչապատում և շրջակա միջավայրի պահպանություն» ՀՈԱԿ-ի տնօրեն), փետրվարի 26, գործակարգավարական խորհրդակցություն, հեռարձակվում է ուղիղ եթերում։ Ցույց է տալիս Ալեք Մանուկյան փողոցի լուսանկարներ, մեջբերում․
«Ալեք Մանուկյան փողոցն է պատկերված՝ Ռադիո տան հատվածը, ներկայիս վիճակն է, մի քանի օր առաջ է նկարված։ Ձախ մասում թեղիներն ավելի մեծ պլանով ենք նկարել, որպեսզի ավելի պատկերավոր երևա, թե ինչպիսի վատ վիճակում են գտնվում ծառերը և որպեսզի հասկանալի լինի, որ նրանք գտնվում են կենսունակության ավարտի եզրին»։
Ինչպես պարզ երևում է Արմեն Բեգոյանի ցուցադրած լուսանկարներում, այդ հատվածում առկա է կրպակ (բուդկա) (լուսանկար 1)։ Այդ կրպակը սակայն գոյություն չունի այսօր արված լուսանկարներում (լուսանկար 2)։
Եվ մոտս հարց առաջացավ, բա մի քանի օրվա մեջ այդ կրպակն ու՞ր կորավ։
Եվ ինչ է պարզվում։ Պարզվում է, որ կրպակը առկա չէ նույնիսկ 2016 թվականի Յանդեքսի քարտեզներում (լուսանկար 3)։ Որ պարզ լինի, որ դա հենց այդ հատվածն է, լուսանկարներում առանձնացրել եմ շենքի վրայի զարդաքանդակը։
Ինչպես ինձ ասացին Ռադիո տան աշխատակիցները՝ կրպակը մոտ 8-9 տարի առաջ տեղափոխվել է մի 40 մետր վերև (լուսանկար 4)։
Այդ դեպքում հարց առաջացավ, բա որտեղից է Արմեն Բեգոյանը պեղել այդ հնադարյան նկարը։ Մի քանի պարզ գործողության արդյունքում պարզվեց, որ «Վիքիպեդիա»-ից (լուսանկար 5)։ Լուսանկարն արված է 2015 թվականի ապրիլի 3-ին։
Ստացում է, որ Արմեն Բեգոյանն իր զեկույցում օգտագործել է 9 տարվա լուսանկար, սակայն ասում էր, որ լուսանկարն արված է «մի քանի օր առաջ»։ Եվ Տիգրան Ավինյանը, որին ուղիղ եթերում խաբում է Արմեն Բեգոյանը, ուշադիր լսում է այդ սուտը (լուսանկար 6)։
Ու սենց ստով ու կեղծիքով այս մարդիկ ծառերի փոխարինման ծրագիր են իրականացնում:
*Հետևություն 1
Երևանի «Կանաչապատում և շրջակա միջավայրի պահպանություն» ՀՈԱԿ-ի տնօրեն Արմեն Բեգոյանը պետք է անհապաղ պաշտոնանկ արվի, քանի որ ուղիղ եթերում խաբել է իր ղեկավարին և փորձել է մոլորության մեջ գցել երևանցիներին։
**Հետևություն 2
Պատասխանատուն և մեղավորը Տիգրան Ավինյանն է: Եթե նույնիսկ Բեգոյանը սխալվել է, այդ մասին արդեն վաղուց պետք է հերքում տարածած լինեին։ Բայց հերքում չկա։ Ու եթե Արմեն Բեգոյանը մինչ այժմ պատասխանատվության չի ենթարկվել ու այդ մասին հանրությանը չեն հայտնել, նշանակում է, որ այս կեղծիքի և ծառերի հատման ողջ պատասխանատվությունն ընկնելու է Տիգրան Ավինյանի վրա, քանի որ առաջին հերթին հենց իրեն է խաբել Բեգոյանը՝ ներկայացնելով կեղծ զեկույց»:

Շարունակությունն ավելի հետաքրքիր է,-գրել է Հովսեփ Կուբատյանն՝ իր մյուս գրառումը ներկայացնելով․

Փոքրիկ հետաքննություն

Թե ոնց է Արմեն Բեգոյանը ուղիղ եթերում խափում Տիգրան Ավինյանին

Արմեն Բեգոյան (Երևանի «Կանաչապատում և շրջակա միջավայրի պահպանություն» ՀՈԱԿ-ի տնօրեն), փետրվարի 26, գործակարգավարական խորհրդակցություն, հեռարձակվում է ուղիղ եթերում։ Ցույց է տալիս Ալեք Մանուկյան փողոցի լուսանկարներ, մեջբերում․

«Ալեք Մանուկյան փողոցն է պատկերված՝ Ռադիո տան հատվածը, ներկայիս վիճակն է, մի քանի օր առաջ է նկարված։ Ձախ մասում թեղիներն ավելի մեծ պլանով ենք նկարել, որպեսզի ավելի պատկերավոր երևա, թե ինչպիսի վատ վիճակում են գտնվում ծառերը և որպեսզի հասկանալի լինի, որ նրանք գտնվում են կենսունակության ավարտի եզրին»։

 Ինչպես պարզ երևում է Արմեն Բեգոյանի ցուցադրած լուսանկարներում, այդ հատվածում առկա է կրպակ (բուդկա) (լուսանկար 1)։ Այդ կրպակը սակայն գոյություն չունի այսօր արված լուսանկարներում (լուսանկար 2)։

Եվ մոտս հարց առաջացավ, բա մի քանի օրվա մեջ այդ կրպակն ու՞ր կորավ։

Եվ ինչ է պարզվում։ Պարզվում է, որ կրպակը առկա չէ նույնիսկ 2016 թվականի Յանդեքսի քարտեզներում (լուսանկար 3)։ Որ պարզ լինի, որ դա հենց այդ հատվածն է, լուսանկարներում առանձնացրել եմ շենքի վրայի զարդաքանդակը։

Ինչպես ինձ ասացին Ռադիո տան աշխատակիցները՝ կրպակը մոտ 8-9 տարի առաջ տեղափոխվել է մի 40 մետր վերև (լուսանկար 4)։

Այդ դեպքում հարց առաջացավ, բա որտեղից է Արմեն Բեգոյանը պեղել այդ հնադարյան նկարը։ Մի քանի պարզ գործողության արդյունքում պարզվեց, որ Վիքիպեդիայից (լուսանկար 5)։ Լուսանկարն արված է 2015 թվականի ապրիլի 3-ին։

Ստացում է, որ Արմեն Բեգոյանը իր զեկույցում օգտագործել է 9 տարվա լուսանկար, սակայն ասում էր, որ լուսանկարն արված է «մի քանի օր առաջ»։ Եվ Տիգրան Ավինյանը, որին ուղիղ եթերում խաբում է Արմեն Բեգոյանը ուշադիր լսում է այդ սուտը (լուսանկար 6)։

Ու սենց ստով ու կեզծիքով այս մարդիկ ծառերի փոխարինման ծրագիր են իրականացնում:

Հետևություն

Երևանի «Կանաչապատում և շրջակա միջավայրի պահպանություն» ՀՈԱԿ-ի տնօրեն Արմեն Բեգոյանը պետք է անհապաղ պաշտոնանկ արվի, քանի որ ուղիղ եթերում խաբել է իր ղեկավարին և փորձել է մոլորության մեջ գցել երևանցիներին։

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Հասարակություն ավելին