Իրաքցի երեխայի՝ Արզնդայի սիրտը կվիրահատեն Երևանում, Նորք-Մարաշ սրտաբանական կենտրոնում:
Երեխային ու նրա ընտանիքին դիմավորել, բոլոր հարցերով զբաղվել է իշխող ուժի պատգամավոր Ռուստամ Բաքոյանը՝ նախապես Առողջապահության նախարարի հետ խորհրդակցելով:
Ռուստամ Բաքոյանը մանրամասները ներկայացրել է ֆեյսբուքյան ուղիղ միացման ժամանակ։
Նշենք, որ ԱՆ Արսեն Թորոսյանը՝ համացանցում տարածելով այդ տեսանյութը, գրել է․
Ուրախ եմ, որ իրականացվում է պարոն Բաքոյանի առաջարկը` օգնելու Իրաքում ապրող եզդիական համայնքի ներկայացուցիչներին բուժօգնություն ստանալ Հայաստանում:
Երբ նրանից ստացա այս աղջնակի բժշկական փաստաթղթերը, հանձնարարեցի ԱՆ երեխաների առողջության բաժնի պետին ուսումնասիրելու նրա առողջական վիճակը և խորհրդակցելու մեր բժիշկների հետ: Վստահ եմ մեր մանկական սրտային վիրաբույժները կանեն ամեն հնարավորը երեխայի առողջական վիճակը բարելավելու համար և նա կվերադառնա տուն:
Շնորհակալություն բոլորին:
