Այսօր կայացած ճեպազրույցի ընթացքում ՌԴ ԱԳՆ ներկայացուցիչ Մարիա Զախարովան, պատասխանելով դիտարկմանը, որ Իրանը դեմ է «Զանգեզուրի միջանցքին», պատասխանեց. «Հյուսիս-հարավ ճանապարհի առումով Իրանի և Ադրբեջանի հետ հիմնական աշխատանքը տարվում է, այսպես կոչված, արևմտյան ուղղությամբ` Ռուսաստանից Կասպից ծովով դեպի Ադրբեջան, այնուհետև` Իրան:

Ճանապարհը, որը պետք է Ադրբեջանի հիմնական մասը կապի Նախիջևանի Ինքնավար Հանրապետության հետ, քննարկվում է եռակողմ աշխատանքային խմբի շրջանակներում` տնտեսական և տրանսպորտային կապերի ապաշրջափակման համատեքստում: Այս եռակողմ խմբի աշխատանքն իրականացվում է եռակողմ պայմանավորվածությունների համաձայն, որոնք կայացվել են բարձր մակարդակով` այդ թվում 2020-ի նոյեմբերի 9-ին և 2011 հունվարի 11-ին: Մենք տեսել ենք Իրանի պաշտոնական դեմքերի մտահոգությունները, այսպես կոչված, Զանգեզուրի միջանցքի մասին, այս մոտեցման պարզաբանման համար պետք է դիմեք Թեհրանին: Մոսկվայի դիրքորոշումն անկհայտ է, մենք ելնում ենք նրանից, որ համապատասխան պայմանավորվածություններն իրագործվեն Հայաստանի և Ադրբեջանի, այնպես էլ` հարևան երկրների` Հայաստանի, Իրանի և Թուրքիայի փոխգործակցության և փոխհամագործակցության շրջանակներում»: