Այսօր՝ ապրիլի 28-ին, լրագրողների հետ զրույցում ԲՀԿ-ական պատգամավոր Իվետա Տոնոյանը պատասխանել է հարցին, թե կա արդյո՞ք թղթով պայմանավորվածություն, գուցե ԲՀԿ-ն ղազագի՞ր է ստորագրել Նիկոլ Փաշինյանի հետ:
«Երբեք որևէ հանգամանքում ղազագրի մասին խոսք լինել չի կարող»,- հայտարարել է պատգամավորը։
Իսկ ինչ վերաբերում է տեսակետին, որ հենց ԲՀԿ-ն է տապալել 17+-ի ձևաչափը, Տոնոյանը նշել է, որ ԲՀԿ-ն մինչև վերջին օրը մասնակից է եղել հավաքներին, ակցիաներին, հանդիպումներին, մշտապես հայտարարել են, որ բողոքի ակցիաներն ու նախընտրական նախապատրաստական աշխատանքները մեկը մյուսին չեն խանգարում:
Իվետա Տոնոյանը վստահեցրել է նաև, որ կուսակցությունում կոալիցիա կազմելու հարցը չի քննարկվում, քանի որ իրենք գնում են հաղթելու համար: