Երեկ երեկոյան, մոտավորապես 18:30-ին Բաքու-Թբիլիսի-Կարս երկաթուղու ջավախքյան հատվածում վթար է տեղի ունեցել: Մեծ Արագյալ գյուղի մոտ գնացքը բախվել է վերանորոգում իրականացնող շարժակազմին, որը մոնտաժային աշխատանքներ էր կատարում երկաթուղու էլեկտրահաղորդման գծերի վրա:
Հարվածի պատճառով մեծ բարձրությունից վայր է ընկել մոնտաժ իրականացնող մասնագետը, որը կոտրել է իր երկու ոտքերը: Վնասվածքներ կան երկու գնացքներում էլ:
Ինչպես պարզվել է, վթարի պատճառը գնացքի մեքենավարի ոչ սթափ վիճակն է եղել:
Աղբյուրը՝ javakhkmedia.com՝ ըստ Ջավախքի Nor.ge ռադիոկայանի նյութերի:
