Արդեն երեք օր Կառավարության շենքի մոտ նստացույց անող արցախցիներն այցելել են նաև ՄԱԿ-ի գրասենյակ:
«Հանուն Հադրութի» ՀԿ նախագահ Լևոն Հայրյանը լրագրողների հետ զրույցում մանրամասներ է ներկայացրել հանդիպումից՝ նշելով, որ գրասենյակում իրենց հայտնել են, որ Արցախից տեղահանվածներին փախստականի կարգավիճակ տալու պահանջը չի մտնում ՄԱԿ-ի գործառույթների մեջ և առաջարկել են միայն տնտեսական աջակցություն:
«Պետական իշխանության, պետական մարմինների կողմից անուշադրության ենք մատնված: Դուք տեսել եք՝ երեք օր Կառավարության շենքի մոտ հավաքվել ենք, ժողովրդական լեզվով ասած՝ մեկը լայեղ չի արել դուրս գա՝ հարցնելու՝ ժողովոˊւրդ, ի՞նչ եք անում էստեղ, ի՞նչ եք ուզում»,- շարունակել է նա:
