«Կարծում եմ՝ երևույթն աննորմալ էր: Միայն մեծ ցանկության դեպքում սա կարելի է բիզնես համարել: Դա ուղղակի ռեկետ էր: Շատ երկրներում կան արագաչափեր, ավտոկայանատեղիներ, բայց դրանց գումարը գնում է պետական ֆոնդ, ծառայում է ժողովրդին: Մեզ մոտ դա չկա: Հիմա ողջունում ենք, մասնավորի ձեռքից սա վերցնելու քայլը»,-ճանապարհային երթևեկության կանոնների նկատմամբ վերահսկողական համակարգերի և վճարովի ավտոկայանատեղերի կազմակերպմանն ուղղված փոփոխությունների մասին՝ ասաց ԲՀԿ պատգամավոր Լյովա Խաչատրյանը:
Նրա խոսքով երթևեկությունը կարգավորելու համար պարտադիր չէր գումարն ինչ-որ մարդկանց գրպանն ուղարկել.
«Այդ նույն գիծը կարող էր քաշել հարևան շենքի բնակիչը, համայնքապետարանը, քաղաքապետարանը: Պետք է վերանայվեն նաև տուգանքների չափերը»,-նշեց պատգամավորը:
Անի Կարապետյան
