Երևանի քաղաքապետ Հայկ Մարությանը տեսաուղերձով է հանդես եկել ու ֆեյսբուքյան իր էջում գրել է․
130 միլիոն դրամ՝ համայնքային բուժաշխատողներին
Սիրելի համաքաղաքացիներ,
Իմ որոշմամբ, Երեւանի քաղաքապետարանի աշխատակազմի եռամսյա պարգեւավճարներից` մարտ ամսվա պարգեւավճարների ֆոնդը ամբողջությամբ՝ շուրջ 130 միլիոն դրամ, կփոխանցվի համայնքային ենթակայության բուժհիմնարկների աշխատակիցներին, որոնք պայքարում են կորոնավիրուսի վարակի դեմ։
Քանի որ ես պարգեւավճար չեմ ստանում, բուժաշխատողների ֆոնդին կփոխանցեմ մարտ ամսվա աշխատավարձս ` 429.000 դրամ
Այս գումարը կբաշխվի բոլոր բուժհիմնարկների՝ հիվանդանոցների, պոլիկլինիկաների, շտապօգնության ծառայության շուրջ 1800 աշխատակիցների միջեւ:
Առո՛ղջ եղեք, միասին հաղթահարելու ենք ցանկացած դժվարություն:
