Մասիսի քաղաքապետ Դավիթ Համբարձումյանի, նրա եղբոր՝ Գոռի, փոխքաղաքապետ Կարեն Օհանյանի եւ մյուսների վերաբերյալ նախաքննությունը վերսկսելուց հետո գործով նոր վկաներ են հարցաքննվել:
armtimes.com-ն է գրում այս մասին ու նշում, որ այս մասին զրույցում ասել է գործով անցնող 9 մեղադրյալների պաշտպան Տիգրան Աթանեսյանը:
Հիշեցնենք, որ սույն գործով նախաքննության ավարտ էր հայտարարվել, կողմերը ծանոթացել էին գործի նյութերին, սակայն դատախազությունը այն հետ էր ուղարկել նախաքննական մարմին` լրացուցիչ նախաքննության՝ քննչական ու դատավարական գործողություններ կատարելու անհրաժեշտությամբ պայմանավորված:
Հիշեցնենք, հեղափոխության օրերին` 2018 թվականի ապրիլին, խաղաղ հավաքներ եւ երթեր անցկացնող մի խումբ քաղաքացիների նկատմամբ, ըստ իրավապահների, տեղի էր ունեցել խուլիգանական դրդումներով բռնություն։ Մեղադրանք է առաջադրվել 11 հոգու, այդ թվում՝ Մասիսի քաղաքապետ Դավիթ Համբարձումյանին, նրա եղբորը՝ Գոռ Համբարձումյանին, քաղաքապետի տեղակալ Կարեն Օհանյանին:
