Մեր դիրքորոշումը հստակ է եւ միանշանակ՝ Ադրբեջանի զինված ուժերի ստորաբաժանումները պետք է լքեն Հայաստանի Հանրապետության ինքնիշխան տարածքը: Մեր առաջնային մոտեցումն ու նպատակն է՝ իրավիճակը լուծել դիվանագիտական ճանապարհով:
Այս մասին այսօր՝ մայիսի 19-ին, Անվտանգության խորհրդի նիստի ընթացքում ասաց ՀՀ վարչապետի պաշտոնակատար Նիկոլ Փաշինյանը: «Միաժամանակ ընդգծեմ, որ «միջանցքային» տրամաբանությամբ հարց Հայաստանի Հանրապետությունը չի քննարկել, չի քննարկում եւ չի քննարկելու»,-ասաց Փաշինյանը:
